Organizata më e fuqishme shqiptare e trafikut ndërkombëtar të kokainës nga Amerika Latine drejt Evropës, u godit nga një operacion i SPAK duke cuar 8 persona në pranga, dyve iu komunikua masa detyrim paraqitje, ndërsa u shpallën në kërkim ndërkombëtar 6 të tjerë. Hetimi i kryesuar nga prokurori Vladimir Mara në bashkëpunim me drejtuesin e SPAK Altin Dumani, coi në prerjen e urdhër arresteve, pas zbërthimit të bisedave në aplikacionin e kriptuar Sky Ecc, por edhe si pasojë e bashkëpunimit me shumë autoritete ligjzbatuëse, të cilët patën rol të rëndësishëm në zhvillimin e këtij operacioni. 7 masa sigurie “arrest në burg” u ekzekutuan në Shqipëri, konkretisht për Ervis , Ardian dhe Albin Çela, si dhe për shtëtasit Petrit Lakatos, Renato Musaka, Gert Çerma dhe Miklovan Mullai. Franc Copja alias Franc Gergeli është arrestuar jashtë territorit të vendit. Masa detyrim paraqitje u caktua për shtetasit Dition Pepa dhe Kujtim Gjyla. Në kërkim me urdhër të prokurorisë u shpallën Fadil alias Julian Balla, Petrit Sulejmani alias Lakatos, Mariglen Kamami, Denis Daja, Vilson Pepa dhe Riza Çela. 17 tonë kokainë janë sekuestruar nga dërgesa shumë-tonëshe nga Amerika Latine drejt porteve kryesore të BE-së, përfshirë Hamburgun, Anvers etj. Sipas hetimeve të kryera nga SPAK, kjo organizatë kishte kapacitetin të ndikonte drejtpërdrejt në çmimin e kokainës në tregjet evropiane dhe të menaxhonte sasi të mëdha të lëndës narkotike në periudha të shkurtra kohore. “Fuqia financiare e lartë e kësaj organizate, strukturimi dhe organizimi i një niveli shumë të lartë si dhe aftësia për të rikuperuar humbjet që vinin nga sekuestrimet e dallojnë atë nga grupet e tjera kriminale të hetuara nga SPAK.”, thanë dy prokurorët e ccështjen në komunikatën për shtyp që përcollën për mediat. Dy drejtuesit e organizatës Ervis Ccela dhe Ardian Ccela ishin vendosur në Paraguaj. Ata siguronin ngarkesat e mëdha të kokainës, dhe i bënin gati për transport. Sipas Spak, lënda narkotike fshihej në mënyrë të sofistikuar në ngarkesa legale – kuti sapuni, bombola boje dhe kollose ndërtimi – të maskuara me marka tregtare si “Fox” apo me shenja të veçanta dalluese si “Puma” ose “sy me rrufe”. Në kuadër të këtij operacioni, u sekuestruan 14 pasuri të llojeve të ndryshme me vlera disa miliona eurosh, duke përfshirë resorte, vila, apartamente, trualle, automjete dhe kuota në shoqëri, në emër të personave nën hetim si më poshtë.