SPAK ka dhënë një tjetër goditje të fortë paraditen e kësaj të marte. Kryebashkiaku i Lushnjes Fatos Tushe është arrestuar në zyrën e tij, sapo kishte përfunduar një mbledhje me vartësit e tij. Sipas burimeve jozyrtare arrestimi i kryebashkiakut Tushe është bërë pasi ndaj tij ishte nisur një hetim për shpërdorim detyre dhe abuzim me tendera. Përkatësisht dyshohet se bëhet fjalë për një tender me vlerë 2 miln euro, investim për kanalet ujitëse. Mësohet se në zyrën e Tushes kanë zbarkuar një numër i lartë efektivësh policie, përfshirë edhe forcat speciale të RENEAS. Ndërkaq Tushe është shoqëruar në komisatriatin e policisë së Lushnjes. Përvec Tushes në prangat e policisë kanë rënë edhe 10 zyrtarë të tjerë përfaqësues të institcioneve vendore në Lushnje të përfshirë gjithashtu në këtë afere korruptive. Flamur Peqini, Xhemal Hasko, Blerta Turuku, Ani Simoni, Andri Mushaj, Margarita Gjermeni, Bujar Murati, Ibrahim Lami, Xhemal Hasko, Gazment Çela. Policia ka kryer kontrolle edhe në zyrën e ndërmarresjs së pasurive publike që ka qenë prej disa kohësh nën hetim.