Avionët ushtarakë cekë do të mbrojnë hapësirën ajrore të sllovakisë fqinje duke filluar nga shtatori, tha kryeministri cek, Petr Fiala. Sllovakia i ka kërkuar aleatëve të saj të NATO-s të patrullojnë qiejt e saj ndërsa ka vendosur të ulë në tokë avionët e saj ushtarakë rusë MiG-29, të cilët mund t’i dërgohen Ukrainës, në përpjekje për të ndihmuar Kievin të mbrohet përballë pushtimit rus. “Unë nuk shoh asnjë problem në këtë mes, qeveria me siguri do të japë miratimin e saj”, tha Fiala në një debat televiziv me homologun e tij sllovak Eduard Heger.