Që nga pushtimi i ukrainës, në shkurt të vitit të kaluare, Vladimir Putin ka kërcënuar shumë herë perëndimin me armë bërthamore. Këto të fundit, tani duket se e kanë humbur funksionin parandalues që kishin gjatë luftës së ftohtë dhe mundësia e përdorimit të tyre, nuk përjashtohet. Që në fillim të luftës, Putin urdhëroi vendosjen në gatishmëri të lartë të armëve bërthamore. Se fundmi, armët taktike bërthamore ruse janë vendosur në bjellorusi. Dhe diktatori bjellorus krenohet duke thënë se ato janë tre herë më të fuqishme se bombat bërthamore të hedhura në Hiroshima dhe nagasaki në 1945-ën dhe shton se nuk përjashtohet mundësia e përdorimit të tyre. Tani, duket se kundërsulmi i shumëpërfolur i ukrainës ka nisur dhe Kievi i ka sytë edhe nga Krimeja që putin e aneksoi në 2014-ën. Humbja e Krimesë shihet gjerësisht si arsye e mjaftueshme që putin të përdorë armë bërthamore taktike. Vitin e kaluar, kompania analitike amerikane RAND e renditi sulmin bërthamor rus si kërcënimin më të madh ndër skenarët e mundshëm, dhe opsioni më i keq, që nuk mund të përjashtohet, është një sulm bërthamor ndaj Polonisë, vend anëtar i NATO-s dhe e para në listën e shënjestrave të kremlinit.