Platformat online që dyshohet se përmes mashtrimit kanë përfshirë në një skemë piramidale 6 mijë qytetarë shqiptarë kanë bllokuar tërheqjen e parave, teksa po përpoqen që aktivitetin mashtrues ta zhvendosin në faqe të tjera. Qytetarët që kanë rënë pre e kësaj skeme mashtrimi raportojnë se tre platformat e identifikuara nga autoritetet si mashtrime piramidale, TXEX, XUEX dhe Grokexdu kanë bllokuar çdo transaksion për tërheqjen e parave, ndërsa përmes aplikacioneve të komunikimit, kryesisht Telegram u kërkojnë përdoruesve të tyre që të zhvendosen në një grup të ri me premtimin se do të hapin një platformë të re ku do t’u transferojnë paratë.