Krimi i dyfishtë i 31 dhjetorit në Tiranë, ku mbetën të vrarë dy motrat Kristina Bardhi dhe Zhaneta Metani i ngjan një telenovele me fund të trishtë. Jeta e tyre, lidhja me Përparim Ademin dhe gjithcka në vite mes tyre është thuajse e pabesueshme. Faktet se 10 fëmijë që janë lindur prej dy viktimave dhe janë shitur në Greqi është një lajm që ka qarkulluar në të gjitha mediat greke, ndërsa hetimet tashmë janë shtrirë edhe në vendin fqinj. Media greke këtë të mërkurë ka nxjerrë edhe një tjetër fakt. Viktimat dhe Përparim Ademi janë arrestuar në Greqi disa vite më parë nën akuzën e shfrytëzimit të prostitucionit, ndërsa vrasësi edhe për akuzën e tutorit. Kristina është arrestuar në vitin 2003 në Athinë dhe në vitin 2007 në Selanik për hyrje të paligjshme dhe prostitucion. Zhaneta është arrestuar për prostitucion në Selanik në vitin 1992 ndërsa për Përparim Telën (Ademi) dihet që po ashtu është dënuar për prostitucion por nuk dihet kur. Ndërkohë, njëra prej motrave është konfirmuar se deri pak kohë më parë ka qenë me një shtëpi me qera, zonë për të cilën media greke ka publikuar pamjet, ndërsa një pistë hetimi lidhet me të kaluarën e Kristinës. Kjo e fundit, bëjnë të ditur burimet që citohen nga mediat greke ka tentuar të dalë nga linja e trafikut që udhëhiqte Përparim Ademi, duke dashur të punojë në rrjete të tjera prostitucioni.