Atentati mafioz i organizuar nga banda kriminale kundrejt shqiptarit, Aristidhi Pappas lidhet me të shkuarën e tij të errët në botën e krimit. Mediat greke kanë publikuar detaje të reja lidhur me precedentët e mëparshëm të shqiptarit si dhe me tentativa të mëparshme për ekzekutimi e tij. Aristidhi Pappas ka qenë duke konsumuar kafe në lokal, kur një person është afruar dhe e ka qëlluar 34-vjeçarin 8 herë në kokë dhe në gjoks, duke i marrë jetën. Jo pak po tre atentate janë organizuar më herët për Aristidhi Papas, kryesisht për larje hesapesh dhe për çështje që lidhen me trafikim lëndësh narkotike, plagosje, grabitje si dhe pastrim parash. Prej kohësh Pappas, qarkullonte i veshur me antiplumb dhe i armatosur, duke qëndruar gjithmonë vigjilent ndaj një atentati të mundshëm. Viktima ishte qëlluar nga persona të panjohur pranë stacionit të Larissa më 26 maj 2019, ku kishte marrë plagë të rënda, por kishte mundur të mbijetone. Ndërkohë në fund të shkurtit 2021, viktima ishte arrestuar nga policia, ndërsa po ngiste një biçikletë elektrike dhe ishte i veshur me jelek antiplumb dhe me vete mbante edhe armë.