Skandali i rrjedhjes së të dhënave sensitive të më shumë se 690 mijë qytetarëve shqiptarë, ka bërë që në ditët e fundit të vitit 2021, në telefonat celularë të shqiptarëve të qarkullojnë numrat e ID, numrat e telefonave, pagat, targat dhe markat e makinave. Kjo situate, e cila shkel në mënyrë flagrante të drejtat bazë të ruajtjes së privatësisë së qytetarëve, ka nxjerrë në pah edhe mungesat e mëdha që ka sistemi i mbrojtjes së të dhënave, i aplikuar në Drejtorinë e Tatimeve.