Fiks Fare trajtoi mbrëmjen e së enjtes një rast unik mbi mënyrën se si trajtohen pacientët në poliklinikën e Lushnjes. Pasi i merret gjak një pacienteje 77 vjeçare në shtet i thuhet që me shiringën e gjakut të paraqitet në privat për të kryer analizat dhe të marrë e përgjigjen. Një qytetare nga Lushnja denoncoi faktin se kishte çuar nënën e saj 77 vjeçare në poliklinikën e Lushnjes për të kryer analizat e hemoglobinës së glukozuar. Sipas denoncimit laborantja Donika Kote pasi i ka marrë gjakun të moshuarës ia ka dhënë atë në një shiringe dhe i ka drejtuar për të kryer ekzaminimet në një laborator privat ngjitur me poliklinikën. Ky ekzaminim i kushtoi pensionistes 21 mijë lekë të vjetra. gazetarët e Fiskit dhe e moshuara u shkuan sërish në poliklinikë, pa rekomandim e mjeku për të përsëritur të njëjtën analizë. Një tjetër laborante me arrogancë u thotë se nuk duhet ta përsërisin analizën, pasi e kanë bërë njëherë. Pyetjes së Fiksit se pse nuk bëhet kjo analizë në spital, por i drejtoni pacientët në privat, ajo përgjigjet se shteti nuk e bën pasi nuk ka reagent. Pasi i merr 77 vjeçares gjakun bashkë me fletën e pagesës i drejton drejt recepsionit për të bërë pagesën. Pas kësaj gruaja e mmoshuar dhe gatarja drejtohen tek shefi I poliklinikës. Ai u thotë se spitali i bën ato analiza dhe se përgjegjësit do mbajnë përgjegjësi.