SPAK i kërkoi Gjykatës së poscame të vendosë masën e sekuestros për disa sipërfaqe toke në zonën bregdetare në Lezhë, sipërfaqe, të cilat janë përfituar në mënyrë të paligjshme nga disa persona. Gjykata e Posaçme mori për bazë kërkesën e SPAK, dhe këtë të premte miratoi masën e kërkuar, për të sekuestruar një sipërfaqe toke prej 66 mijë metra katror, në disa zona bgredetare në Lezhë. Në njoftimin zyrtar të SPAK, nuk bëhet me dije se në emër të kujt ishin këto prona, por ajo çka u bë me dije është se kjo sipërfaqe kapte vlerën e 13 milionë eurove. SPAK cilëson se kjo veprimtari e paligjshme është kryer nga disa persona në bashkëpunim me zyrtarë shtetërore, të cilët nëpërmjet dokumenteve të falsifikuara dhe veprimeve të tjera të kundërligjshme, kanë përfituar nga kjo sipërfaqe toke. Hetimet lidhur me këtë procedim penal do të vijojnë, derisa të zbardhet e gjithë ngjarja dhe për të zbuluar nëse ka të tjerë persona të përfshirë në këtë aktivitet të paligjshëm.