Prej ditësh tashmë vendi është mbërthyer nga moti i acartë, ku reshjet e dëborës sollën jo pak problematika në gjitha rrugët në vend. Autoriteti Rrugor Shqiptar bën me dije se gjatë natës është bërë pastrimi i akseve dhe shpërndarja e kripës, por ka end probleme në Qafë Thanë-Doganë, ku lëvizja bëhet vetëm me një korsi. Ndërkohë lëvizet rekomandohet me zinxhirë në Qafë Bualli-Krastë, Lunik-Steblevë, në km e fundit Steblevë-Klenjë, Zemblak -Goricë. ARRSH thekson se të gjithë drejtuesit e mjeteve duhet të lëvizin me goma dimri ose zinxhirë. Në rajonin qendror, Qafë Thanë-Doganë tek Useku qarkullimi me një korsi, po punohet për pastrimin e plotë. Qarkullohet me zinxhirë ose goma dimri: Lunik-Steblevë, në km e fundit Steblevë-Klenjë, Zemblak -Goricë. Bëhet e ditur se në rajonin jugor akset janë të hapura pa prezencë bore, por kushtëzuar nga temperaturat e ulëta mjetet duhet të pajisen me goma dimri.