E ngarkuar me material nga një asteroid, anija kozmike e NASA-s ndezi motorët të hënën dhe u nis për t’u kthyer në Tokë, duke lënë mbrapa shkëmbin e lashtë të hapësirës. Kthimi ne shtëpi për robotin studiues Osiris-Rex do të zgjasë dy vjet. Ai Iu afrua asteroidit Bennu në vitin 2018 dhe I erdhi rrotull për dy vjet, deri sa arriti të mbledhë material nga sipërfaqja e tij vjeshtën e shkuar. Shkencëtarët e Universitetit të Arizonës, mendojnë se sasia e mbledhur shkon nga 200 deri në 400 gramë, shumë më tepër sesa synimi I tyre prej 60 gramë. Kjo do të jetë sasia më e madhe për SHBA, që nga zbritja në Hënë e misionit Apollo. Osirix-Rex ndodhej 300km nga asteroid Bennu kur ndezi motorët kryesorë të hënën. Kontrollorët e bazës në Kolorado shpërthyen në duartrokitje kur erdhi konfirmimi për nisjen e raketës. Bennu mendohet të jetë shkëputur prej një asteroidi më të madh, dhe besohet se përmban elementët bazë prej nga është krijuar sistemi ynë diellor. Kjo mund të hedhë dritë mbi krijimin e planetëve dhe fillimin e jetës mbi Tokë.