Një lajm I trishtë ka tonditur vendin këtë të martë. Artistja e njohur Hueyda El Saied është ndarë nga jeta në moshën 46 vjecare, pasi vuante nga një sëmundje e rëndë. Balerina e njohur nujk mundi të mposhtë dot sëmundjen e keqe dhe la pas një djalë të vogël, teksa sapo kishte nisur dhe një histori dashurie ku ndihej me të vërtetë e lumtur me partnerin e saj të dytë Thierry. Me këtë të fundit kishte vite që njiheshin dhe ai gjithmonë e kishte pëlqyer. Lajmi i hidhur u bë me dije nga miqtë dhe të afërmit e saj. 46-vjeçarja postonte herë pas here foto e video me partnerin e saj, ku i shprehte dashurinë që kishte për të. Ajo nuk e fshihte në asnjë moment lumturinë që Thierry i kishte sjellë në jetë. Madje i bëri edhe një dedikim mjaft emocionues ditën kur ajo dhe i biri morën mbiemrin e tij. Hueyda ka lindur në Tiranë, ndërsa prejardhja e saj ka qenë nga Sudani. Ajo ishte nga ato pak vajza që kishin provuar të bënin gjithçka sa i takon televizionit. Ajo dinte të këndonte, ishte balerinë, moderatore, spikere lajmesh dhe piktore. Kujtojmë se disa nga programet që ka prezantuar janë: ‘Një këngë për ty’, ‘7 nga shënimet e mia dhe Kioska’ dhe ‘Në restorant’. Hueyda ka marrë pjesë edhe në festivalet e muzikës shqiptare, ndër ta ‘Top Fest’ dhe ‘Kënga Magjike’.