Ennio Morricone, njëri prej kompozitorëve më të mëdhenj të kinemasë, është shuar në Romë ne moshën 91 vjecare prej kompliacioneve të shkaktuara nga një rrëzim. Morricone, një legjendë e muzikës, është autor i shumë prej kolonave më të famshme zanore të të gjitha kohërave në kinematografi, megjithatë, një pjesë e mirë do ta kujtojnë me se shumti për Spaghetti Western apo Westernet italianë që pushtuan botën sidomos me krijimet e Sergio Leones. Ritmet e gjalla e pulsuese të muzikës së Morricones ndihmuan që filma si “ I miri, i keqi, i shëmtuari” apo “ Për ca dollarë më shumë”, të mbeten të paharruar. “ Muzika është e domosdoshme, sepse filmat e mi mund të jenë praktikisht edhe filma pa zë, ku dialogu ecën shumë ngadalë dhe është muzika ajo që thekson veprimin dhe ndjenjat më shumë sesa fjalët”, do të deklaronte dikur.