Një aksident i rëndë rrugor me pasojë një humbje jete, i ndodhur të shtunën në Romanat të Durrësit, ka rezultuar se ka qenë një vrasje me paramendim. Sipas policisë pas hetimeve ka rezultuar se 41-vjeçari Myslim Istrefi ka qëlluar me dashje me makinë 57 vjeçarin Shaqir Estrefi, duke e përplasur për vdekje. Policia ka dyshuar pasi ka mësuar për hasmërinë që ka pasur mes dy të përfshirëve në aksident. Babai I viktimës në vitin 2006 I kishte vrarë babain, shoferit 41 vjeçar. Policia ka deklaruar se pas hetimeve rezultoi se ngjarja e ndodhur nuk ishte aksident rrugor , por dyshohet vrasje me dashje për hakmarrje. Myslim Istrefi është arrestuar dhe do përballet me akuzat për veprat penale "Vrasja me paramendim" dhe "Drejtimi i automjeteve në mënyrë të parregullt". Ngjarja ka ndodhur ditën e shtunë rreth orës 15.00, në fshatin Rromanat të Durrësit, ku 41-vjeçari Myslim Istrefi duke drejtuar mjetin tip "Fiat", në gjëndje të dehur, ka goditur 57 vjeçarin Shaqir Estrefi që po ecte në rrugë, I cili si pasojë e goditjeve ka ndërruar jetë.