Me rritjen e shpjetë të infektimeve, Europa është kthyer sërish në qendrës e pandemisë, duke kufizuar edhe lëvizjen e qytetarëve nga Ballkani, përfshirë edhe ata nga Shqipëria. Për 20 ditët e ardhshme, Austria, ku udhëtojnë një numër i madh i qytetarëve tanë, ka hyrë në izolim, Autoritetet austriake kanë vendosur karantinë në të gjithë vendin pas një rritje të mprehtë të numrit të rasteve. Izolimi do të thotë se udhëtimi në Austri nuk do të jetë i mundur për një periudhë prej 20 ditore, përveç për qëllime absolutisht të nevojshme. “Udhëtimi për në Austri për qëllime turistike do të jetë i mundur sërish vetëm pas 13 dhjetorit”, thuhet në faqen zyrtare të qeverusë austriake. Por edhe një nga destinacionet kryesore të shqiptarëve, Greqia, duket se po shtrëngon po ashtu masat. Pak ditë më parë qeveria greke apeloi për futjen e një doze të tretë në certifikatën dixhitale.