Dy vëllezër shqiptarë kanë rënë në prangat e autoriteteve italiane pasi prej 5 vitesh kishin kthyer shtëpinë e tyre në një biznes për trafikimin e kokainës. Vëllezërit shqiptarë, përkatësisht 37 dhe 34 vjeç kishin krijuar një biznes të konsoliduar për tregtimin e kokainës në Scandiano të Italisë, shkruajnë mediat fqinje. Si rezultat i hetimeve të policisë u bë e ditur se vëllezërit mbanin në shtëpi kokainë dhe e shisnin atë. Ky biznes kishte vazhduar për të paktën pesë vjet. Pas urdhrit të policisë për arrestimin e shqiptarëve u sekuestruan edhe dy automjete që përdoreshin nga dy vëllezërit për dërgesat e kokainës. Në fund të muajit gusht, në prangat e policisë kishte rënë edhe babai i tyre, i cili ishte kapur duke shitur disa doza kokainë në vendin e punës së klientit, në një garazh.