Përfaqësuesit e partive shqiptare nga Presheva, Medvegja dhe Bujanoci kanë gjetur gjuhën e përbashkët për të dalë me një listë të përbashkët në zgjedhejt e parakohshme parlametnare në Serbi. Në listën e përbashkët, të quajtur “Koalicioni Shqiptar”, do të marrin pjesë tetë parti që kanë këshilltarë komunalë në këto tre komuna me shumicë shqiptare në jug të Serbisë. “Është koha që të kemi fuqi më të madhe politike, pasi që në realitet e kemi atë, të jemi të përfaqësuar me një numër më të madh deputetësh në Kuvend, në mënyrë që të përpiqemi t’i zgjidhim problemet tona”, tha për Radion Evropa e Lirë Shaip Kamberi, lider i Partisë për Veprim Demokratik. Ndërkohë kryeministri i Kosovës, Albin Kurti, I cili ishte I pranishëm gjatë arritjes së marrëveshjes mes tre forcave politike tha se shqiptarët në Serbi duhet t'i kenë "të paktën 5 vende të garantuara" në Kuvendin e Serbisë. Kamberi ishte përfaqësuesi i vetëm i komunitetit shqiptar në legjislaturën e kaluar të Kuvendit të Serbisë. Ai tha për Radio Evropa e Lorës se respektimi i marrëveshjeve të nënshkruara ndërmjet përfaqësuesve të shqiptarëve dhe Qeverisë së Serbisë do të jetë baza koalicionit. “Jemi dakorduar që baza e kërkesave tona të jetë plani me shtatë pika, të cilin Qeveria e Serbisë e miratoi në qershor të vitit 2013, duke iu referuar marrëveshjeve të mëhershme, të cilat, me ndërmjetësimin e OSBE-së, janë nënshkruar ndërmjet përfaqësuesve të shqiptarëve dhe Qeverisë së Serbisë”, tha ai.