Ballkani perëndimor ka përjetuar ndër vite tërmete shkatërrimtarë që kanë rezultuar në humbjen e qindra jetëve apo edhe dëmeve të mëdha materiale, ku më i fundit ishte tëmeti me epiqendër në Bosnjë që tronditi Ballkanin mbrëmjen e kësaj të premte. Qendra Sizmologjike Euromesdhetare publikoi një hartë të tërmeteve të regjistruara në pjesë të Evropës Juglindore gjatë 62 viteve të fundit, ku pikat me ngjyrë më të ndezur përfaqësojnë edhe zonat e nxehta sizmike ku kanë ndodhur tërmetet më të fuqishme. Shqipëria evidentohet në të dhënat e qendrës sizmologjike, si një zonë e prekur shpesh nga tërmete të fuqishëm, ku rasti më i fundit i shkatërrimeve në masë ishte tërmeti i 26 nëntorit të vitit 2019, me qendër në Shqipërinë veriperëndimore me magnitudë 6. 4 ballë i shkallës Rihter, ku humbën jetën 51 persona.