Top News – Shqipëria mbetet regjim hybrid / Raporti-Por ka përmirësim në luftën kundër korrupsionit

Shqipëria mbetet në kategorinë e regjimeve hibride me demokraci ende në tranzicion, ndonëse përgjatë vitit të kaluar u vu re një përmirësim i lehtë në luftën kundër korrupsionit. Freedom House ka publikuar raportin për vendet në tranzicion, ku thuhet se vlerësimi për luftën kundër korrupsionit u rrit nga 2.75 në 3 pikë, falë një sërë aktakuzash dhe dënimesh të profilit të lartë të ish-zyrtarëve nga Struktura e Posaçme Kundër Korrupsionit dhe Krimit të Organizuar, si dhe rolit të saj proaktiv në nxitje të luftës kundër korrupsionit dhe krimit të organizuar.