Shqipëria dhe Hungaria kanë thelluar partneritetin strategjik në fushën e mbrojtjes. Kështu Hungaria konfirmohet si një aleat i qëndrueshëm i NATO-s dhe një partner i rëndësishëm i Shqipërisë, me mbështetje të vazhdueshme për procesin e integrimit europian dhe me një rol aktiv në forcimin e stabilitetit në Europën Jugore dhe Juglindore. Gjatë vizitës që ministri I Mbrotjes Pirro Vengu po zhvillon në Hungari u ra dakord që bashkëpunimi dypalësh në mbrojtje të kalojë në një fazë të re dhe më ambicioze. Brenda vitit 2026, Shqipëria dhe Hungaria do të shkëmbejnë atashe ushtarakë, një hap konkret që synon forcimin e koordinimit strategjik, rritjen e besimit reciprok dhe avancimin e ndërveprueshmërisë mes forcave të armatosura të dy vendeve.