Ministri i Jashtëm iranian deklaroi se Teherani nuk ka kërkuar kurrë armëpushim dhe as negociata me Shtetet e Bashkuara, duke iu përgjigjur komenteve të mëparshme të Donald Trump, i cili tha se Irani kërkonte një marrëveshje, por ai nuk ishte gati për një të tillë. Në një intervistë për programin Face the Nation të CBS Neës, ministri iranian shtoi se Irani nuk sheh ndonjë arsye për t’u ulur në tryezë me amerikanët, me argumentin se sulmi ndodhi pikërisht teksa negociatat mes dy vendeve po zhvilloheshin. Ndërkohë, Forcat Mbrojtëse të Izraelit njoftuan se po zgjeronin fushëveprimin e sulmeve ndaj infrastrukturës së regjimit iranian për të përfshirë zona në Iranin perëndimor dhe qendror, me qëllim të dobësimit të aftësive të komandës dhe kontrollit të Teheranit. IDF gjithashtu raportoi se Forcat Ajrore Izraelite përfunduan një valë sulmesh të dielën, duke goditur selinë e regjimit në Hamedan, si dhe disa seli të Korpusit të Gardës së Revolucionit Islamik dhe Forcave Basij. Situata mbetet e tensionuar ndërsa të dyja palët përforcojnë pozicionet e tyre ushtarake dhe diplomatike.