Shkencëtarët deklaruan se shpërthimi në La Palma të Spanjës ka përfunduar zyrtarisht të shtunën, duke i lejuar banorët e ishullit të marrin frymë lehtësisht gati 100 ditë pasi vullkani Cumbre Vieja filloi të lëshojë llavë, shkëmbinj dhe hi dhe tronditi jetën e mijërave banorëve. Pasi shpërtheu në veprim më 19 shtator, vullkani u qetësua papritur të hënën më 13 dhjetor, por autoritetet, të kujdesshme për të ngritur shpresa të rreme, ndaluan deri në ditën e Krishtlindjes për të dhënë gjithçka të qartë. "Ajo që dua të them sot mund të thuhet me tre fjalë: shpërthimi ka mbaruar," tha shefi i sigurisë në Ishujt Kanarie, Julio Pereth në një konferencë shtypi. Gjatë shpërthimit, llava "gëlltiti" shtëpi, kisha dhe plantacione bananesh që përbëjnë gjysmën e ekonomisë së ishullit. Megjithatë, nuk u shënua asnjë viktimë nga vullkani. Maria Jose Blanco, drejtore e Institutit Kombëtar Gjeografik të Kanarie, tha se të gjitha indikacionet tregojnë se vullkani është çaktivizuar. Megjithatë, ai nuk përjashtoi aktivizimin e tij në të ardhmen. Rreth 3,000 shtëpi u shkatërruan nga llava që tani mbulon një sipërfaqe prej 12,190,000 metrash katrorë, sipas raportit përfundimtar. Nga 7000 njerëz që kanë ikur nga shtëpitë e tyre, shumica janë kthyer , por shumë banesa mbeten të pabanuara. Shpërthimi i fundit i Cumbre Vieja ishte më i gjati në La Palma në 375 vjet