Një avion i AIR France u zhyt në pikiatë për 1500 metra pasi një motor shpërtheu në flakë vetëm disa minuta pas ngritjes. Pasagjerët e tmerruar prisnin fundin gjatë rënies tronditëse në fluturimin AF 7721 nga Parisi në Ajaccio. Personat në bord thanë se dëgjuan një zhurmë të fortë në kabinë vetëm 30 minuta pas ngritjes në fluturim. Një prej udhëtarëve tha se kishin përjetuar dridhje shumë të forta përpara rënies në pikiatë. Një grua që udhëtonte me vajzën e saj, tha se kishte parë flakë në krahun e avionit. Fatmirësisht, tragjedia u evitua dhe pilotët mundën ta ulnin avionin të sigurt në Lion. Ekspertët shpjegojnë se ulja në Lion është bërë me një motor të vetëm. Pasagjerët thanë se kapiteni u kishte shpjeguar më pas se motori i majtë i avionit kishte ndaluar së punuari në mes të fluturimit. Air France tha se incidenti ishte shkaktuar si pasojë e një defekti në motor.