Rëndohet tragjedia në familjen Gjoka në Velipojë, ku 4 anëtarët e familjes pësuan lëndime të rënda nga shpërthimi I një bombule gazi. Pas ndarjes nga jeta pak ditë më parë të Daniela Gjokës, vajzës 19 vjecare të familjes Gjoka, këtë të premte ka ndërrur jetë në spital edhe vajza e vogël 15 vjecare Klarisa Gjoka. 15 vjecarja e cila nuk mundi t’i mbijetojë plagëve të marra nga ngjarja e rëndë, u nda nga jeta në ditën kur motra e saj e madhe Daniela u përcoll në banesën e fundit. Daniela do të martohej në muajin gusht por ngjarja tragjike në hotelin e familjes në Velipojë, i mori jetën tragjikisht. Ndërkohë, nëna e tyre Alketa Gjoka si dhe i biri 12 vjecar ndodhen nën kujdesin e mjekëve italianë. Gjendja e tyre paraqitet e rëndë pasi kanë pësuar djegie të shumta në trup. Kryefamiljarja Alketa Gjoka, tentoi të ndezë një prej bombolave të gazit, e cila ka pasur rrjedhje dhe ka shpërthyer. Flakët kanë përfshirë dhomën, por edhe të gjithë hotelin nën pronësinë e tyre duke plagosur rëndë 4 anëtarët e familjes Gjoka, 40-vjeçaren, djalin e mitur 12 vjec si dhe dy vajzat që ndërruan jetë. 4 anëtarët e familjes qëndruan për disa ditë në spital në QSUT dhe më pas u transportuan drejt Italisë për trajtim më të specializuar.