Një sulm kamikaz me bombë në një qendër edukimi në Kabul i ka marrë jetën të paktën 23 personave, shumca e të cilëve të rinj, në aktin më të fundit që dëshmon përkeqësimin e situatës së sigurisë në kryeqytetin afgan. Shpërthimi ndodhi të premten në qendrën e edukimit Kaaj, në një zonë të dominuar nga komuniteti Hazara, një grup etnik në minorancë që prej kohësh është vendosur në shënjestër. Nxënësit po kryenin një provim për hyrjen në universitet, në orën 7.30 minuta me orën lokale kur shpërthimi ndodhi. Mjekët e spitalit të afërt, ku u dërguan disa prej viktimave, thanë se 23 persona janë vrarë dhe 36 të tjerë janë lënduar.