Një parashikim i frikshëm se si do të fillojë Lufta e Tretë Botërore është zbuluar nga sekretari i përgjithshëm i NATO-s, Mark Rutte. Shefi i aleancës ka paralajmëruar se Xi Jinping dhe Vladimir Putin do të nisin pushtime të njëkohshme, duke e vënë planetin nën kërcënimin e Armagedonit bërthamor. Kina do të fillonte duke kërkuar të merrte Tajvanin, ndërsa do të sigurohej që shefi i Kremlinit të sulmonte njëkohësisht territorin e NATO-s. Duke theksuar nevojën urgjente për tu riarmatosur dhe për të rritur buxhetet ushtarake, Rutte i tha Neë York Times: “Le të mos jemi naivë: Nëse Xi Jinping do të sulmonte Tajvanin, ai së pari do të sigurohej që t’i telefononte partnerit të tij Putin, dhe t’i thoshte: ‘Hej, unë do ta bëj këtë dhe kam nevojë që ti të bësh tënden për t’i mbajtur të zënë të gjithë në Evropë duke sulmuar territorin e NATO-s’. “Kjo është me shumë mundësi mënyra se si do të përparojë kjo.” Rutte shpjegoi se për të “dekurajuar” dy vendet e fuqishme, ka dy gjëra që duhet të bëhen. “Njëra është që NATO, kolektivisht, të jetë aq e fortë sa rusët nuk do të guxojnë të provojnë dhe së dyti, të punojmë së bashku me Indo-Paqësorin, diçka që Presidenti Trump po e promovon shumë. Sipas disa raporteve të fundit, rusia mund ta rindërtojë ushtrinë e saj në një kapacitet shqetësues që në vitin 2027. Ato parashikojnë që Putin do të mund ta vendosë ushtrinë e tij në pozitë lufte dhe të testojë naton duke evokuar Nenin 5. Kjo mund ta bëjë Kremlinin të vendosë ta lërë Ukrainën të qetë, por në vend të saj putin do të mund të angazhohej në një sulm ndaj vendeve të NATO-s në Baltik.