Gjermania njoftoi se brenda 24 orëve të fundit ka regjistruar 1,707 raste të reja me koronavirus, shifra më e lartë kjo që prej muajit prill. 10 persona të tjerë kanë humbur jetën duke e cuar bilancin total të viktimave atje në 9,253. Edhe pse arriti ta menaxhojë pandeminë e koronavirusit shumë më mirë sesa mjaft fqinjë të saj europianë, Gjermania ka përjetuar një rritje të ndjeshme të infektimeve gjatë periudhës së pushimeve verore.Autoritetet fajesojne për këtë situatë kthimet nga pushimet, organizimin e festave masive dhe grumbullime të tjera familjare.