Kreu i Komisionit Qendror të Zgjedhjeve, Ilirjan Celibashi, pranoi disa nga problematikat e konstatuara me votën e emigrantëve, teksa theksoi se ato janë raste të pakta në numër dhe nuk cenojnë procesin. Sipas tij deri në këto moment zarfi me fletën e votimit ka shkuar në më shumë se 62% të zgjedhësve. SINK Zgjedhësit që e kanë marrë në dorë zarfin janë 154.770, pra 62% e zgjedhësve e kanë marrë dokumentacionin zgjedhor. Kanë mbërritur deri tani në KQZ 19.025 zarfa votimi, deri në fund të ditës do të jenë 22 mijë, që përbëjnë 12.5% të votuesve. Problematika me shpërndarjen e zarfave të votimit është më e madhe në Greqi, sipas raportimeve, ku kemi kontaktuar kompaninë për ta pasur në vëmendje situatën..... “Ka pasur një rast ku zgjedhësi ka bërë të ditur se i ka shkuar zarfi pa fletën e votimit. Në fakt, lidhur me këtë rast ne nuk kemi asnjë fakt nëse është gabim i KQZ-së apo spekulim i zgjedhësit.