Tensionet janë ngritur sërish në qiell, në ngushticën e Tajvanit ku për pak është evituar një përplasje mes një destrojeri amerikan dhe një anije kineze. Destrojeri amerikan po merrte pjesë në një stërvitje të përbashkët mes marinës së SHBA dhe Kanadasë. Ministri kinez i mbrojtjes akuzoi të dielën SHBA dhe aleatët se po përpiqen të destabilizojnë rajonin e indo-paqësorit. Ai tha se SHBA po provokon konfrontime për interesat e veta dhe se uashingtoni dhe aleatët e tij për tentojnë të rrisin dominimin në rajon. Ai po ashtu paralajmëroi se cdo konfrontim i ashpër mes SHBA dhe Kinës do të ishte një katastrofë e papërballueshme për botën. Paralajmërimi i tij erdhi një ditë pasi sekretari amerikan i mbrojtjes, Lloyd Austin tha se një luftë për Tajvanin do të ishte shkatërrimtare dhe se do të prekte ekonominë globale në një mënyrë që nuk mund të imagjinohet.