Shirat e dendura që kanë përfshirë vendin tonë prej disa ditësh vijojnë të shkaktojnë përmbytje masive në veri të vendit. Në Bashkinë e Shkodrës raportohet se janë përmbytur 1823 hektarë tokë, por nuk ka shkaktuar probleme në banesa. Ndërsa raportohet se vijon të jetë e bllokuar rruga për në Obot, pasi niveli i ujit ka arritur mbi 80 cm dhe është e kalueshme vetëm nga mjetet e larta. Jashtë funksionit është edhe Ujësjellësi Oblika 1, ndërsa UKSH ka furnizuar me ujë të pijshëm banorët e fshatit Oblikë. Nderkohe po si pasoje e shirave gjithashtu shkarje dherash ka pasur në rrugën Baks-Rrjoll dhe Bashkia po punon për pastrimin. Rritje të nivelit të ujit ka edhe në Liqenin e Shkodrës, në zonën e Livadeve dhe Dobraç. Nepermjet nje bilanci, nga monitorimi periodik në terren behet e ditur se vazhdon të jetë e bllokuar rruga për në Obot për mjetet e ulëta. Rruga e Obotit është e kalushme vetëm me mjete të larta dhe niveli i ujit mbi rrugë arrin mbi 80cm. Sakaq Ujesjellesi Oblika 1 si pasojë e përmbytjeve është jashtë funksionit. Ndersa në zonën e quajtur “Këneta e Dajçit” sipërfaqja e tokës bujqësore e përmbytur vlerësohet në 740 Ha. Ne Velipoje sipërfaqja e tokës bujqësore e përmbytur vlerësohet në 50 Ha, kryesisht në fshatrat Ças,Reç (këneta Reçit),Baks i Ri. Vazhdon gërryerja e tokës bujqësore nga lumi Kir në vendin e quajtur Bardhaj, fshati Bardhaj. Gjithashtu ka rritje të nivelit të ujit nga Liqeni i Shkodrës, në zonën e Livadeve dhe Dobraç, behet e ditur ne raportimine autoritetve mengjesin e se henes.