Ukraina pretendon se ka rrëzuar për herë të parë një avion luftarak rus Su-30 në Detin e Zi duke përdorur një dron detar. "Kjo është hera e parë në botë që një avion luftarak është shkatërruar nga një dron detar", tha Inteligjenca e Mbrojtjes e Ukrainës në një deklaratë, duke shtuar se ai "shpërtheu në flakë në ajër dhe përfundimisht ra në det". Inteligjenca ushtarake e Ukrainës tha se një nga njësitë e saj shkatërroi avionin luftarak me një dron ukrainas Magura pranë portit të Novorosijskut, një qytet port kryesor për Rusinë ku Ukraina pretendon se ka mbetje të flotës ruse të Detit të Zi. Ministria e mbrojtjes së Rusisë nuk ka komentuar incidentin, megjithëse pretendimi u mbështet nga një bloger ushtarak rus. “Ukrainasit lëshuan më shumë se 10 dronë detarë… në zonën e Novorosijskut… Pasi avioni ynë u godit, ekuipazhi përfundoi në ujë, i rrethuar nga dronë detarë armiq”, tha Fighterbomber në Telegram të shtunën. Ukraina ka përdorur dronë detarë për të sulmuar flotën e Rusisë në Detin e Zi, duke siguruar fitore të pashembullta. Çdo dron mbart të paktën 250 kg eksploziv.