Të gjitha anijet që nuk kanë lidhje me Izraelin, SHBA-në apo palë të treta të lidhura me këto dy vende, do të mund të kalojë ngushticën e Hormuzit. Teherani zyrtar përmes një deklarate njoftoi se kërcënimi dhe bllokimi vlen vetëm për agresorët, duke bërë të ditur se rruga kryesore e transportit të naftës do të jetë e përshkrueshme nga anije që nuk i përkasin agresorit apo nuk janë të lidhura me këta të fundit. Megjithatë, Irani theksoi se kalimi do të kryhet pas koordinimit të nevojshëm me autoritetet vendase. Duke iu referuar konfliktit më të gjerë, zëdhënësi i ministrisë së jashtme të Irani tha se vendi nuk do të tolerojë një cikël vicioz lufte, negociatash, si dhe armëpushimi. Kjo deklaratë erdhi si referencë edhe ndaj sulmit të qershorit dhe luftës 12-ditore midis Iranit dhe Izraelit, i cili përfshiu SHBA-në që sulmoi disa nga vendet bërthamore dhe ushtarake të Iranit. Zëdhënësi theksoi se dy aleatët asokohe kërkuan fundin e luftës, gjë e cila u pranua nga Irani, vetëm për të nisur një tjetër sagë bombardimesh.