Është depozituar në Këshillin Bashkiak projektvendimi për shkarkimin nga detyra të kryebashkiakut të Tiranës Erion Veliaj. Një kopje e propozimit të hartuar nga këshilltarët bashkiakë të PS, I është dërguar institucionit të Prefektit të qarkut Tiranë, ndërsa shkresa pritet të vuloset në përfundim nga Megi Fino, kryetarja e Këshillit bashkiak. Sipas relacionit shoqërues kërkesa është firmosur nga grupi I këshilltarëve dhe bazohet në ligjin për vetëqeverisjen vendore, në nenin 62 gërma c, ku thuhet se: kryetari I bashkisë shkarkohet me vendim të këshilit të ministrave në rastet kur” propozohet për shkarkim nga Këshilli Bashkiak përkatës për mosparaqitje në detyrë për një periudhë 3 mujore të pandërprerë. Në kërkesën e këshilltarëve të majtë, nënvizohet fakti se nga data 10 shkurt 2025m kryeqyteti nuk ka kryetarin e zgjedhur dhe të mandatuar për shkak të procesit penal dhe mohimit të së drejtës së tij të gjykimit në gjendje të lirë. “Qytetit të Tiranës me një zhvillim të pandalshëm ekonomik e social, I duhet një kryetar në detyrë për ndjekjen e punëve, ndaj kjo ka nxjerrë si domosdoshmëri ndërmarrjen e inicicaitëvës nga ana e grupit të këshilltarëve të majtë për të nisur procedurat për shkarkimin e kruyetarit actual”, thuhet në projektvendimin që pritet të miratohet në mbledhjen e të martës që do të mbahet në orën 16:00.