Policia e Vlorës ka vënë në pranga një 29 vjeçar, i cili akuzohet për shpërndarje të lëndëve narkotike në doza të vogla. Arbër Halluni, banues në fashtin Gjashtë në Sarandë, është arrestuar në flagrancë, pasi gjatë kontrollit fizik të tij por edhe gjatë kontrolleve të imtësishme në banesën në pronësi të Hallunit, policia gjeti dhe sekuestroi në cilësinë e provës materiale 3 kilogramë lëndë narkotike të dyshuar cannabis sativa, një pjesë e saj e ndarë në doza gati për shitje. 29 vjeçari i shpërndante dozat e lëndëve narkotike në afërsi të shkollës në fshatin Gjashtë dhe në qytetin e Sarandës Efektivët e policisë vunë në pranga 29 vjeçarin, teksa materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme, për veprën penale "Prodhimi dhe shitja e lëndëve narkotike".