Këshilli i Europës ka vendosur theksin edhe njëherë në pavarësinë e sistemit gjyqësor, Në dokumentin e konluzioneve të ministrave të jashtëm, Këshilli nënvizon rëndësinë e forcimit të mëtejshëm të rezistencës së sistemit të drejtësisë kundër ndërhyrjeve të brendshme ose të jashtme. “Këshilli mirëpret rezultatet e mira të arritura tashmë nga SPAK dhe gjykatat e tij, duke përfshirë edhe rastet e korrupsionit të nivelit të lartë. Këshilli gjithashtu mirëpret bashkëpunimin e mirë me agjencitë e zbatimit të ligjit të BE-së dhe Shteteve Anëtare, i cili duhet të vazhdojë, duke përfshirë bashkëpunimin në hetimet financiare.”, thuhet në qëndrimin e Brukselit që vlerëson përparimin e bërë në luftën kundër krimit të organizuar dhe korrupsionit. Një vlerësim Këshilli e ka dhe për zgjedhjet e 11 majit, të cilat I vlerëson konkurruese pavarësiusht mangësive të identifikuara ndërsa bën thirrje për një reformë zgjedhore gjithëpërfshirëse në një mënyrë gjithëpërfshirëse dhe në kohë, në përputhje me rekomandimet e OSBE/ODIHR dhe Komisionit të Venecias. Këshilli, po ashtu, e përgëzon fuqimisht Shqipërinë për bashkëpunimin e saj të vazhdueshëm në çështjet e politikës së jashtme, si dhe përputhshmërinë e saj të plotë dhe të palëkundur me Politikën e Jashtme dhe të Sigurisë të BE-së, duke përfshirë masat kufizuese - një sinjal ky i forte, sipas Brukselit, sa i takon angazhimit strategjik të Shqipërisë në rrugën e saj drejt BE-së.