Në Bashkinë Berat është zhvilluar me sukses ankandi i parë për shitjen e mbetjeve të riciklueshme, një hap domethënës drejt një sistemi më të qëndrueshëm të menaxhimit të mbetjeve urbane. Rreth 65 tonë karton dhe letër, të ndara nga qytetarët janë grumbulluar dhe depozituar në sheshin e dedikuar të depozitimit të Bashkisë, për t’u shitur më pas për qëllime riciklimi. Kjo nismë shënon një etapë të re për qytetin e Beratit, duke sjellë një sërë përfitimesh konkrete. Ky hap tregon gjithashtu se ndarja e mbetjeve po funksionon në praktikë. Sakaq ulet sasia e mbetjeve që përfundojnë në landfill si dhe mbështet ekonominë qarkulluese dhe rrit ndërgjegjësimin për riciklimin në komunitet. Kjo është një arritje e rëndësishme, por edhe vetëm hapi i parë drejt një qyteti më të pastër, më të gjelbër dhe më të ndërgjegjshëm.