Dy persona u arrestuan në Durrës për zhvatje të qytetarëve në një vendparkim pa pagesë. Në pranga përfunduan Ali Muço 32-vjeç dhe Mariglen Gruda 34-vjeç. Ata u ndaluan pasi përfitonin në mënyrë të paligjshme shuma të ndryshme në një vendparkim të të prcaktuar nga Bashkia pa pagesë. Dy të akuzuarit u kapën nga agjentët e krimit ekonomik gjatë momentit që po u kërkonin para disa banorëve të zonës që po parkonin aty. Materialet për rastin i kaluan prokrurorisë për veprime të mëtejshme. Gjatë sezonit të verës, kur numri i automjeteve në qarkullim rritet, ky feneomen në qytetin bredetar shtohet ndjeshëm jo vetëm në vendparkimet publike të qytetit, por edhe në zonat e plazhit. Ndërkohë këshilltarët bashkiakë të opozitës kanë ngritur padi në gjykatën administrative ndaj Bashkisë Durrës dhe Këshillit Bashkiak për vendimin e kthimit të rrugëve dhe shesheve kryesore të Durrësit dhe rrugës së plazhit në hapësira parkimi me pagesë nga vjeshta e këtij viti.