Mbretëresha e Anglisë ka marrë dozën e dytë të vaksinës, teksa është parë në publik pa maskë gjatë daljes së saj të parë pas 5 muajsh izolim nga pandemia e koronavirusit. 94-vjeçarja vizitoi Memorialin e Forcave Ajrore të Komonuelthit në Runnymede, për të shënuar njëqindvjetorin e Forcës Ajrore Mbretërore Australiane. Gjithashtu kjo është hera e parë që ajo është shfaqur që nga intervista bombë e Harryt dhe Meghan. Mbretëresha, e cila mori dozën e parë të vaksinës në janar, kishte zgjedhur një veshje me ngjyra pranverore, , pallto jeshile dhe kapelë kombinuese të zbukuruar me orkide. Me humor ajo tha se kishte kaluar kohë e gjatë që kur ajo nuk e kishte vizituar memorialin, I cili ishte inaguruar në nder të saj më 17 tetor të vitit 1953. Mbretëresha ka kryer detyrat e saj si kryetare e shtetit gjatë gjithë pandemisë dhe ka marrë pjesë në një numër angazhimesh mbretërore virtuale përmes video-thirrjeve , përfshirë një në të cilën inkurajoi popullin të mos hezitonin të bënin vaksinën pasi duhet të mendojnë edhe për njerëzit që I rrethojnë, jo vetëm për veten e tyre.