Gjykata Kushtetuese ka shpallur vendimin për çështjen e shembjes së godinës së Teatrit Kombëtar, kërkuar nga presidenti i vendit Ilir Meta. Sa i takon çështjes kryesore, nëse duhej prishur apo jo ndërtesa, Gjykata nuk arriti të vendosë, pasi nuk siguroi dot numrin e duhur të votave 5, për pasojë kërkesa e palës paditëse u rrëzua. Ndëraq në dy vendime të tjera Gjykata shpalli si anti-kushtetues vendimin e qeverisë për t'ia kaluar Teatrin Kombëtar në pronësi Bashkisë së Tiranës, si dhe vendimin për procedurat e veçanta për ndërtimin e teatrit të ri. Ligji i veçantë për procedurat e ndërtimit ishte tejkaluar nga zhvillimet, pasi kontrata me firmën rivale, që do të realizonte ndërtimin kishte dështuar më parë. Zhvillimet e fundit lidhr me çështjen e teatrit kombëtar, duket se e kthejnë debatin në pikën zero, pasi kalimi i pronësisë sërish tek qeveria, bën të deryrushme rifillimin nga e para të gjithë procedurave për ndërtimin e teatrit të ri. Përfaqësues të Aleancës për mbrojtjen e teatrit që kanë pohuar se vendimi I gjykatës kushtetuse është një fitore e qytetarëve që luftan dhe mbrojtën kauzën e Teatrit Kombëtar. Nga ana tjetër kryebashkiaku Erjon Veliaj, reagoi pas vendimit duke pohuar se Gjykata Kushtetuese “i dha të drejtë Bashkisë së Tiranës, duke lënë në fuqi vendimin për prishjen e Teatrit Kombëtar” dhe se pas kësaj nis “ndërtimi i një teatri më moderni në Ballkan”. Por kryetari i Partisë Demokratike, Lulzim Basha që gjithastu ka reaguar pas këtij vendimi ka pohuar se se “Gjykata Kushtetuese foli dhe tani radhën e SPAK”. Shembja e Teatrit Kombëtar u realizua në 17 maj të vitit 2020, kur vendi ishte përfshirë nga pandemia e covid 19 dhe shkaktoi reagime dhe protesta të shumta të qytetarëve. Ndërkohë Aleanca për Mbrojtjen e Teatrit dhe aktivistët penguan shembjen e godinës për tre vite me radhë.