Shefi i shtabit të përgjithshëm të Rusisë, Valery Gerasimov, ka inspektuar grupin "Qendra" të forcave ruse që po lufton në zonën e Pokrovskut, në rajonin e Donetskut të Ukrainës lindore, tha të hënën ministria e mbrojtjes e Rusisë. Pokrovsku, të cilit Rusia i referohet me emrin e tij të epokës sovjetike Krasnoarmeisk, është një nga pikat kryesore të operacionit ushtarak rus në përpjekjen për të siguruar kontrollin mbi të gjithë rajonin e Donetskut. Ministria ruse e mbrojtjes tha se komandantët e njësive e informuan Gerasimovin mbi zhvillimet në fushën e betejës. Ministria postoi edhe një video në kanalin e saj në Telegram, ku tregohet Gerasimov duke u ngjitur në një helikopter ushtarak, duke fluturuar me të, duke zbritur prej tij e më pas edhe duke takuar oficerët me uniforma ushtarake. Rusia kontrollon gati 19% të asaj që njihet ndërkombëtarisht si Ukraina, duke përfshirë Krimenë dhe rajonin e Luhanskut, më shumë se 70% të rajoneve Donetsk, Zaporizhzhia dhe Kherson, dhe fragmente të rajoneve të Kharkivit dhe Sumyt.