Kryeministri i Izraelit, Benjamin Netanyahu, tha se do t’i kundërshtojë çfarëdo sanksionesh kundër ushtrisë së vendit të tij, pas raportimeve se Shtetet e Bashkuara kanë vendosur ta ndërpresin ndihmën për njërën prej njësiteve të saj. “Do të luftoj kundër tyre me gjithë forcën time”, tha Netanyahu të dielën. Ndërsa zyrtarët amerikanë nuk bënë të ditur emrin e njësisë që pritet të sanksionohet, liderët izraelitë dhe mediat lokale thanë se bëhet fjalë për Netzah Yehuda, një batalion e këmbësorisë i themeluar rreth 25 vjet më parë për të futur në ushtri edhe burrat ultra-ortodoksë. Liderët izraelitë e kanë cilësuar si të “padrejtë” vendimin për sanksionet, posaçërisht në një kohë lufte, si dhe janë zotuar se do ta kundërshtojnë.