Ukraina ka rënë dakord për një marrëveshje për t'i dhënë fund luftës me Rusinë, me vetëm disa "detaje të vogla" të pazgjidhura, tha një zyrtar amerikan, edhe pse Presidenti Volodymyr Zelensky tha më herët se kishte ende shumë punë për të bërë. Duke folur ndërsa sekretari i ushtrisë amerikane Dan Driscoll, ndodhet në Abu Dhabi për takime me zyrtarë rusë në lidhje me propozimin e administratës Trump, zyrtari tha: "Ukrainasit kanë rënë dakord për marrëveshjen e paqes. Ka disa detaje të vogla që duhen zgjidhur, por ata kanë rënë dakord për një marrëveshje paqeje". Deklarata e SHBA-së duket se shkoi më tej se qëndrimi publik i zyrtarëve ukrainas, të cilët gjithashtu kanë një delegacion të pranishëm në Abu Dhabi dhe që kanë qenë në kontakt me Sekretarin e Ushtrisë Dan Driscoll.