Pas miratimit të ndryshimeve të Kodit Zgjedhor me shumicë të cilësuar 96 vota pro, por pa dakordësinë e opozitës jashtëparlamentare në këshillin politik, ka në reaguar ambasadat e shba dhe ajo britanike ne Tiranë. Në deklaratën e ambasadës amerikane thuhet se ndryshimet e miratuara janë shtesë dhe jo shkelje e marrëveshjes së 5 qershorit. Por pavarësisht nga kjo ambasada terheq vemendjen per maxhorancën. “ishte brenda kompetencave të parlamentit për t’i miratuar këto ndryshime. është për të ardhur keq që shumica dështoi të respektonte përkushtimin e deklaruar prej vetë asaj për të kërkuar emërues të përbashkët në Këshillin Politik. Shqipëria është anëtare e NATO-s, aspiruese për anëtarësim në Bashkimin Europian, dhe Kryesuese e radhës e OSBE-së. Është detyrë e udhëheqësve të Shqipërisë – duke filluar por jo vetëm ata në pushtet – për të kërkuar nga vetja një standard më të lartë dhe për të siguruar lirinë dhe ndershmërinë e zgjedhjeve të ardhshme. Këtë pritshmëri e kemi ashtu si populli shqiptar” thuhet ne deklaraten e ambasades amerikane. Më tej thuhet se pas marrëveshjes politike të 5 qershorit është kerkuar të respektohet dhe ndyshimet që do bëhen të marrin konsensusin edhe ne keshillin politik. “Sot, partia qeverisëse ndaloi diskutimet në Këshillin Politik dhe votoi për të miratuar ndryshime domethënëse të rregullave që do të qeverisin zgjedhjet e 25 prilli” pwrfundon qwndrimi i shba. Nderkaq edhe ambasada britanike ne Tirane ka shprehur keqardhjen per miratimin pa konsensus të ndryshimeve të kodit zgjedhor. “Marrëveshja e 5 qershorit ishte një hap i rëndësishëm përpara, i arritur përmes dialogut dhe negociatave. Shprehim keqardhje që ndryshimet e sotme janë bërë pa dakordësinë e Këshillit Politik dhe pa shteruar përpjekjet për të gjetur konsensus”, thuhet ne reagimin ambasades britanike ne rrjetet sociale.