Presidenti Donald Trump i tha Sekretarit të Përgjithshëm të NATO-s Mark Rutte se kontrolli i SHBA-së mbi Grenlandën është i nevojshëm për të rritur sigurinë ndërkombëtare, duke përshkallëzuar fushatën e tij për të marrë nën kontroll amerikan ishullin strategjik në Arktik. “E di, Mark, ne kemi nevojë për këtë për sigurinë ndërkombëtare, dhe vetëm kaq... ne kemi shumë aktorë që lundrojnë nëpër ujrat përreth dhe duhet të jemi të kujdesshëm”, i tha Trump Rutte-s ndërsa u ulën krah për krah në Zyrën Ovale të Shtëpisë së Bardhë. I pyetur drejtpërdrejt për perspektivën e aneksimit, Trump tha: "Unë mendoj se kjo do të ndodhë".