SHBA dhe britania e madhe ndërmorën sulme kundër 36 shënjestrave të huthit në jemen të shtunën, në ditën e dytë të operacioneve të mëdha amerikane kundër grupeve të lidhura me iranin, pas një sulmi vdekjeprurës mbi trupat amerikane fundjavën e kaluar. Sulmet kishin në shënjestër depot e armatimit, sistemet e raketave, raketalëshuesit dhe kapacitete të tjera që Huthit kanë përdorur për të sulmuar anijet tregtare në detin e kuq – tha Pentagoni duke pranuar se sulmet ishin kryer në 13 zona në vend. Kjo është edhe shenja më e fundit se konflikti në lindjen e mesme po përhapet, që pas shpërthimit të luftës mes izraelit dhe hamasit në tetor. “Ky veprim kolektiv dërgon një mesazh të qartë për Huthit se ata do të vazhdojnë të përballen me pasoja nëse nuk i japin fund sulmeve të tyre mbi anijet në detin e kuq – tha sekretari amerikan i mbrojtjes Lloyd Austin. NJë zëdhënës i Huthit tha se sulmet e SHBA-së nuk do të kalojnë pa një përgjigje dhe pa pasoja. Sulmet në Jemen janë kryer paralelisht me një fushatë në zhvillim e sipër të ushtrisë amerikane, në shenjë hakmarrjeje për vrasjen e tre ushtarëve amerikanë në një sulm me dronë në jordani, nga militantë të mbështetur nga Irani. Të premten, SHBA ndërmori valën e parë të këtyre sulmeve duke goditur më shumë se 85 shënjestra në irak dhe siri, të lidhura me rojat revolucionare islamike e sic raportohet janë vrarë afro 40 persona.