Një ortek në rajonin e Liqenit Tahoe të Kalifornisë ka lënë 10 skiatorë të zhdukur, thonë autoritetet, me gjashtë persona të tjerë të bllokuar, që presin shpëtim. Orteku u raportua në zonën e Castle Peak pranë qytetit Truckee, sipas Zyrës së Sherifit të Qarkut të Nevadës. Grupi prej 16 personash përbëhej nga katër guida dhe 12 klientë. Kushtet e motit mbeten të rrezikshme, me një shans të lartë për më shumë orteqe. "Ekipet e shpëtimit janë mbledhur nga dy vendpushime skish aty pranë, tha sherifi. Gjashtë të mbijetuarit janë "udhëzuar të strehohen në vend sa më mirë të mundshëm në kushte të vështira", shtoi sherifi. "Të paktën gjashtë nga skiatorët i kanë mbijetuar ortekut dhe mbeten në pritje të shpëtimit, ndërsa dhjetë të tjerë janë ende të pagjetur në kohën e këtij njoftimi", shkroi në Facebook sherifi. "Përpjekjet e shpëtimit vazhdojnë ndërsa kushtet e motit mbeten shumë të rrezikshme," vazhdoi ai. Zyrtarët kanë paralajmëruar ndërkohë se orteqe të shumta pritet të ndodhin në orët në vazhdim. Qendra e ortekëve e renditi vlerësimin e rrezikut si "të lartë", në nivelin e katërt nga pesë nivele në shkallën e vlerësimit.