Ndërsa roja revolucionare iraniane është angazhuar në lojëra lufte me raketa, përfaqësuesit e Iranit dhe SHBA-së u takuan në gjenevë ku diskutuan për programin bërthamor të Teheranit. Sipas televizionit shtetëror iranian bisedimet indirektetë ndërmjetësuara nga Omani, zgjatën rreth tri orë. Sipas palës iraniane gjatë bisedimeve u arrit një afrim i parë diplomatik. Të dyja palët ranë dakord mbi "parime kryesore udhërrëfyese” për hapat e mëtejshëm, deklaroi ministri i Jashtëm iranian, Abbas Aragchii, pas takimit. Sipas tij mbi këtë bazë mund të arrihet një marrëveshje. Njëkohësisht Aragchi i uli pritshmëritë se mund të arrihet një marrëveshje e shpejtë. Bisedimet në Gjenevë ishin "më konstruktive” sesa raundi i parë në Oman. Megjithatë kjo nuk do të thotë "se mund të arrijmë shpejt një marrëveshje”. Do të duhet kohë për të ngushtuar hendekun mes qëndrimeve të të dyja palëve – tha ai. "Shpresojmë që ky proces të përfundojë sa më shpejt të jetë e mundur dhe ne jemi të gatshëm t'i kushtojmë kohën e nevojshme”, tha ministri iranian. Sidoqoftë për raundin e tretë të negociatave ende nuk është caktuar ndonjë datë. SHBA-ja u përfaqësua në negociata nga të dërguarit e posaçëm Steve Ëitkoff dhe Jared Kushner. Presidenti Donald Trump kishte deklaruar më parë se do të ishte i përfshirë në mënyrë indirekte në këto bisedime. Ai e paralajmëroi gjithashtu qeverinë iraniane me pasoja në rast se nuk arrihet një marrëveshje. Nga qarqet e qeverisë amerikane u bë e ditur pas takimit se janë bërë përparime, por se ende mbeten shumë detaje për t'u sqaruar. Sipas një zyrtari të lartë të qeverisë së SHBA-së pala iraniane synon që brenda dy javëve të ardhshme të rikthehet me "propozime të detajuara për të sqaruar disa nga dallimet e hapura mes qëndrimeve tona”.