Shtetet e Bashkuara hapën një bazë të re të mbrojtjes ajrore në Evropë të mërkurën, pasi shumë anëtarë të NATO-s në kontinent e presin me frikë kthimin e Donald Trump në Shtëpinë e Bardhë në janar. Baza e mbrojtjes raketore në Redzikoëo, një qytet në Poloninë veriperëndimore, afër Detit Baltik, është baza e parë e përhershme ushtarake e SHBA-së në vendin e Evropës qendrore, tha ministri i jashtëm polak Radoslaë Sikorski. Redzikoëo është pak më pak se 160 km nga enklava e Kaliningradit të Rusisë, ku Moska ka një prani të fuqishme ushtarake të vendosur midis anëtarëve të NATO-s, Polonisë dhe Lituanisë. Planet për bazën u nisën nga Presidenti George Ë. Bush dhe vazhduan gjatë presidencës së Barack Obamës, mandatit të parë të Donald Trump dhe u përfunduan nga administrata e Joe Biden, tha Sikorski. Projekti është një shfaqje e "konsistencës gjeostrategjike të Shteteve të Bashkuara", tha ai. “Aleanca polako-amerikane është e fortë, pavarësisht se kush qeveris në Varshavë dhe Uashington”. Rusia e ka kundërshtuar bazën Redzikoëo që nga vitet 2000. Moska tha në 2010-ën se "nuk e kuptonte logjikën dhe fokusin e bashkëpunimit SHBA-Poloni në këtë sferë". Hillary Clinton, në atë kohë sekretare amerikane e Shtetit, tha në vitin 2010 se baza ishte pjesë e një "sistemi thjesht mbrojtës" që nuk kërcënonte Rusinë dhe do të "mbronte Poloninë dhe aleatët tanë nga kërcënimet në zhvillim, të tilla si ato nga Irani". Baza Redzikoëo, së bashku me bazën Deveselu në Rumani, pret "Aegis Ashore", një sistem me bazë tokësore i krijuar nga sistemi Aegis i Marinës së SHBA për të kapur raketat balistike me rreze të shkurtër dhe të mesme veprimi. NATO e ka përshkruar vendndodhjen e bazës Redzikoëo si "pjesë e një mburoje më të madhe raketore të NATO-s". SHBA ka po ashtu destrojerë në bazën Rota në Spanjë dhe një stacion radar në kurecik të turqisë.