Pak ditë më parë, një biznesmen u mashtrua nga disa persona, të cilët i morën atij 15 mijë euro duke u prezantuar si Pjerin Ndreu, kryetari socialist i Bashkisë Lezhë. Një tjetër person, me origjinë nga Shkodra i kërkoi një biznesmeni 100 mijë euro, duke i thënë në aplikacionin Viber, se ishte Taulant Balla. Dy raste këto mjaft të bujshme, por ka patur dhjetra raste të ngjashme, kur biznesment dhe jo vetëm kanë rënë pre e shantazheve apo e mashtrimeve të këtij lloji. Për këtë arsye, policia e shtetit ka marrë masa për të parandaluar rastet për dhënien e pasurisë. Strukturat e policisë në bashkëpuni me organin e zkuës kanë evidetuar dhe goditur disa raste kohët e fundit, nisur kjo edhe nga kallëzimet e shumta që bëhen nga qytetarët në komisariatet përkatëse. Policia e Shtetit ka apeluar të gjithë operatorët ekonomikë që të tregohen vigjilentë ndaj rasteve të tilla të mashtrimit dhe të denoncojnë pranë strukturave të Policisë së Shtetit, vendore apo qendrore, çdo rast të dyshuar ose nëse janë viktima të kësaj veprimtarie kriminale.